मकवानपुर उद्योग वाणिज्य संघले विभिन्न निकायका नव आगन्तुक प्रमुखहरुलाई स्वागत गर्ने परम्परा अनुसार मंगलबार आन्तरिक राजश्व कार्यालय, हेटौंडाका नव आगन्तुक प्रमुख कर अधिकृत मोहलाल जि.सी.लाई हेटौंडामा स्वागत गरेको छ । संघको बैठककक्षमा एक कार्यक्रम गरी उहालाई स्वागत गरिएको हो । सोही कार्यक्रममा कर अधिकृतहरु अवधेश कुमार यादव र मनिस कुमार महतोलाई स्वागत गरिएको थियो । उहाहरु भर्खरै सरुवा भई हेटौंडा आउनुभएको हो । संघका अध्यक्ष कृष्ण कुमार गुप्ताको अध्यक्षतामा भएको स्वागत कार्यक्रममा संघका पूर्व अध्यक्ष भुवनलाल श्रेष्ठ, संघका पदाधिकारी तथा सदस्यहरुको उपस्थिति रहेको थियो । अध्यक्ष कृष्ण कुमार गुप्ताले मकवानपुर जिल्लाको बसाई सुखद र प्रगति उन्मुख रहोस् भनि शुभकामना दिनुहुदै उद्योग/व्यवसाय क्ष्ँेत्रमा कर सम्बन्धी विभिन्न समस्याहरु रहेको र अन्जानमा हुने कमीकमजोरीको कारण पनि व्यवसायीहरु समस्यामा पर्ने गरेकोले त्यस्तो अवस्थामा आन्तरिक राजश्व कार्यालयबाट सहजिकरण गरिदिनु पर्ने भनाई राख्नुभएको थियो । त्यसैगरी प्रमुख कर अधिकृत मोहलाल जि.सी.ले आफू पहिला पनि कर अधिकृतकोरुपमा आन्तरिक राजश्व कार्यालय, हेटौंडामा सेवा गरिसकेको, उद्योगी/व्यवसायीहरुबाट आफूलाई सहयोग रहनेमा आशावादी रहेको, कर कानून तथा कर सम्बन्धी व्यवस्थाहरुबारे सबै जानकार हुन आवश्यक रहेको, करदाता शिक्षा प्रदान गर्न कार्यालय तयार रहेको, उद्योगी/व्यवसायीहरुलाई नियमको कारवाहीबाहेक बाकी विषयमा पूर्ण सहयोग रहने उहाको भनाई थियो ।
छलफलमा उठेका विभिन्न जिज्ञासाहरुलाई कर अधिकृतद्वय अवधेश कुमार यादव र मनिस कुमार महतोले मेटाउने प्रयत्न गर्नुभएको थियो । छलफलमा संघका वरिष्ठ उपाध्यक्ष अनिल अग्रवाल, महासचिव दिपक उप्रेती, अध्यक्ष सल्लाहकार विष्णु प्रसाद घिमिरे, कासस नरेन्द्र भण्डारी, तेजराज अधिकारी, प्रदिप अर्याललगायतले मन्तव्य राख्नुभएको थियो ।