मकवानपुर उद्योग वाणिज्य संघको नेतृत्व र विभिन्न सामाजिक संघसंस्थाहरुको सहकार्यमा गठन गरिएको कोभिड हेल्प डेस्क मकवानपुरले संचालन गरिरहेको पल्पसा आइसोलेशन सेन्टरबाट शुक्रबार दुईजनालाई विदाई गरिएको छ । संक्रमण मुक्त उहांहरुलाई पल्पसा आइसोलेशन सेन्टरका संयोजक भुवनलाल श्रेष्ठ र मउवासंघका कोषाध्यक्ष अनिल अग्रवालले विदाई गर्नुभएको थियो ।
पल्पसा आइसोलेशन सेन्टरलाई शुक्रबार सहयोग प्राप्त भएको छ । पुष्पाञ्जली होटल, हेटौंडा–१ का हरिसरण मानन्धरबाट सहयोग प्राप्त भएको हो । सहयोग सामग्रीमा चामल २ बोरा, मुसुराको दाल ५ किलो, चिनी ५ किलो, चियापत्ति १ किलो, फ्रुटी एक केस, अक्सिजन फ्लो मिटर एक थान रहेको छ ।