मकवानपुर उद्योग वाणिज्य संघले विभिन्न तीन वटा बस्तुगत संघहरुको नव निर्वाचित कार्यसमितिलाई बुधबार संघमा कार्यक्रम आयोजना गरी स्वागत गरेको छ । नव निर्वाचित कार्यसमितिको सम्मानमा मउवासंघले स्वागत गर्ने र उहाहरुलाई संस्थागत क्रियाकलाप गर्न प्रोत्साहित गर्ने उद्देश्यले स्वागत कार्यक्रमको थालनी गरिएको हो । संघले निर्माण सामग्री व्यवसायी संघ, मकवानपुर भाडा व्यवसायी संघ र मकवानपुर ग्रिल तथा स्टिल व्यवसायी संघको कार्यसमितिलाई स्वागत गरेको हो ।
स्वागत तथा छलफल कार्यक्रममा मउवासंघका अध्यक्ष कृष्ण कुमार गुप्ता, निर्माण सामग्री व्यवसायी संघका अध्यक्ष बालकृष्ण बजगाई, मकवानपुर भाडा व्यवसायी संघका अध्यक्ष हेमराज बानिया र मकवानपुर ग्रिल तथा स्टिल व्यवसायी संघका अध्यक्ष केशव प्रसाईले मन्तव्य राख्नु भएको थियो । उक्त अवसरमा भएको छलफलमा बैंक व्याजदर, भि.सि.टि.यस.लगायत संस्थागत विषयहरुमासमेत छलफल गरिएको थियो ।