मकवानपुर उद्योग वाणिज्य संघले जिल्ला ट्राफिक प्रहरी कार्यालय मकवानपुरलाई मंगलबार एक थान ४३ ईन्चको यलईडि टिभी हस्तान्तरण गरेको छ । ट्राफिक सम्बन्धी सूचना प्रवाहको लागि उक्त टिभी सहयोग गरिएको संघका अध्यक्ष कृष्ण कुमार गुप्ताले जानकारी गराउनु भयो । ट्राफिक सचेतनाको लागि टिभीको उपयोग हुने र यसबाट नागरिक सुसूचित हुने जिल्ला ट्राफिक प्रहरी कार्यालयका प्रमुख मुनेन्द्र थापाको भनाई रहेको थियो । प्रहरी निरीक्षक मुनेन्द्र थापाले जिल्ला ट्राफिक प्रहरी कार्यालय मकवानपुरको कार्यालय परिसरमा नागरिकले देख्नेगरी टिभी राखिने बताउनु भएको छ ।