हेटौंडाको मुल बजार क्षेत्रमा रहेको राजमार्गलाई सहरी मार्ग कायम गर्दै हेटौंडा–१, झोलुड्डे पुलदेखि राप्ति खोलाको किनारहुदै राप्ति पुलबाट रातोमाटेसम्म सडक स्तरीकरण गरी राजमार्गमा रुपान्तरण गर्ने योजना मुताविक प्रारम्भिक नापजाचको कार्य सम्पन्न भएको मकवानपुर उद्योग वाणिज्य संघका अध्यक्ष कृष्ण कटुवालले बताएका छन् ।
मकवानपुर उद्योग वाणिज्य संघका तत्कालिन अध्यक्ष अरुणराज सुमार्गीको नेतृत्वमा बनेको बैकल्पिक मार्ग हेटौंडा पूर्वाधार विकास समितिमार्फत माधव राज सुमार्गी स्मृति ट्रष्ट नेपालको रु. एक करोड सहयोग, तत्कालिन डिभिजन सडक कार्यालय हेटौंडा, जिल्ला विकास समिति मकवानपुर र हेटौंडा उपमहानगरपालिकाको संयुक्त लगानीमा उक्त बैकल्पिक मार्गको ट्र्याक खनिएको थियो ।