मकवानपुर उद्योग वाणिज्य संघ/महिला उद्यमी विकास समितिले शुभकामना आदानप्रदान कार्यक्रम सम्पन्न गरेको छ । वडा दशैं, तिहार, नेपाल सम्वत् तथा छठ पर्वको उपलक्ष्यमा सोमबार शुभकामना आदानप्रदान कार्यक्रम आयोजना गरिएको थियो । कार्यक्रममा उपस्थित महिला उद्यमीहरुले आपसमा शुभकामना आदानप्रदान गरेका थिए । संघको महिला उद्यमी विकास समितिका सभापति निलम वैद्यको सभापतित्वमा कार्यक्रम सम्पन्न भएको थियो । कार्यक्रमकै बीचमा भर्खरै संघको वरिष्ठ सहायक पदबाट अवकास भएका ईमु शर्मालाई प्रसंशा पत्र र मायाको चिनो प्रदान गरिएको थियो ।