राहत वितरणको चौथो दिन मकवानपुर उद्योग वाणिज्य संघले मंगलबार पनि विपन्नलाई दशैं राहत सामग्री वितरण गरेको छ । संघको पल्पसा परिसरबाट ६० जना विपन्न परिवारलाई राहत वितरण गरिएको हो ।
संघका अध्यक्ष कृष्ण कटुवालको अध्यक्षता तथा संघका पूर्व अध्यक्ष भुवनलाल श्रेष्ठको प्रमुख आतिथ्यतामा भएको राहत वितरण कार्यक्रममा हेटौंडा–१० का वडा अध्यक्ष किताव सिं लामा, वडा सदस्यहरु साधना श्रेष्ठ, धर्म बस्नेत र उमा सुनारको आतिथ्यता रहेको थियो । कार्यक्रममा संघका उपाध्यक्ष तथा राहत वितरण कार्यक्रम संयोजक कृष्ण कुमार गुप्ता, महासचिव प्रमोदसिंह रानाभाट, कार्यसमिति सदस्य कुल प्रसाद चौलागाईलगायतको सहमागिता रहेको थियो ।