मकवानपुर उद्योग वाणिज्य संघबाट ५८ बर्षे उमेरहदको कारण कार्यालय सहयोगी पदबाट भर्खरै अवकास भएका भीम बहादुर श्रेष्ठको उपचारको लागि संघका कार्यसमिति र सल्लाहकारबाट आर्थिक सहयोग गरिएको छ । संघका महासचिव प्रमोद सिंह रानाभाटको अगुवाइमा संकलित रकम रु. १,२५,०००।– बिहीबार भरतपुर नै गई हस्तान्तरण गरिएको महासचिव रानाभाटले जानकारी गराएका छन् ।
फोक्सो, किडनीमा संक्रमण र तत्कालै अप्रेसनसमेत गर्नुपर्ने भएकोले परिवारका सदस्यहरुले आषाढ ५ गते भरतपुरको पूरानो मेडिकल कलेजमा लगेका थिए । आषाढ ६ गते अप्रेसनसम्पन्न भएको र प्रारम्भमा भेन्टिलेटरमा राखी उपचार गर्नु परेपनि हाल जनरल वार्डमा स्वास्थ्यलाभ लिइरहेका छन् भने अस्पताल प्रशासनले चाडै डिस्चार्ज हुने जानकारी गराएका छन् ।