Notices »

मकवानपुर उद्योग वाणिज्य संघको अत्यन्त जरुरी सूचना (2073.03.03)

नेपाल सरकारबाट स्वीकृत आर्थिक पुनरुद्धार कोष (स्थापना तथा संचालन) कार्यविधि–२०७२ को दफा ५ र ६ मा व्यवस्था भए बमोजिम व्याज अनुदान सम्बन्धी व्यवस्थालाई कार्यान्वयन गर्ने सम्बन्धमा पर्यटन क्षेत्र, कृषि क्षेत्र, घरेलु, साना तथा मझौला उद्योग र सुर्तीजन्य तथा मदिराजन्य उद्योग बाहेकका उत्पादनमूलक उद्योगहरुले सीमानाकामा भएको अवरोध तथा आपूर्ति प्रणालीको असहज परिस्थितिका कारण अघिल्लो वर्षको ६ महिनाको तुलनामा ५० प्रतिशत भन्दा कम उत्पादन/कारोबार गरेको अवस्थामा तोकिएको व्याज अनुदान पाउन सम्बन्धित बैंकहरुमा निवेदन दिनुपर्नेमा धेरैजसो उद्योगहरुले निवेदन पेश नगरेको पाईएकोले उक्त सुविधा प्राप्तिकोलागि यस संघले नेपाल उद्योग वाणिज्य संघमार्फत पहल गर्ने भएकोले यही असार ७ गतेसम्म यस संघमा आर्फनो उद्योगको निवेदन पेश गर्न हुन यो सूचना प्रकाशित गरिएको छ । व्याज अनुदानकोलागि तोकिएको प्रावधानहरु पूरा गरिएको हुनु पर्नेछ । यस सम्बन्धी थप जानकारी यस संघको सूचना पाटीमा र www.nrb.org.np वा http://www.nepalbankers.com.np/front/details/26 मा लग–ईन गरेर पनि हेर्न सक्नुहुनेछ । उद्योगीहरुले सम्बन्धित बैंकहरुमा व्याज अनुदानकालागि सम्पूर्ण प्रकृया पूरा गरी निवेदन पेश गरेको तर बैंकले उक्त सुविधा प्रदान नगरेको भए यस संघलाई यथाशीघ्र लिखित रुपमा जानकारी गराउन हुन पनि सम्बन्धित उद्योगीहरुलाई हार्दिक अनुरोध गर्दछौं ।

मकवानपुर उद्योग वाणिज्य संघ
चेम्बरमार्ग, हेटौंडा–२
०५७–५२०३१०/५२३३१०