News & Events

मकवानपुर उद्योग वाणिज्य संघले आज जिल्ला प्रहरी कार्यालय, मकवानपुरलाई एक थान ४२ इञ्च एलइडी टेलिभिजन सहयोग स्वरुप हस्तान्तरण गरेको छ । जिल्ला प्रहरी कार्यालयले आफ्नो परिसरमा चमेना गृह, बालबालिका कक्ष, प्रकोप सामग्री कक्ष, आपतकालीन कक्ष, प्रतिक्षालय सहितको ५ कोठे नवनिर्मित भवनमा राख्नका लागि संघका अध्यक्ष राजकुमार न्यौपानेले सो टेलिभिजन जिल्ला प्रहरी कार्यालयका प्रमुख प्रहरी उपरीक्षक बसन्तकुमार लामालाई हस्तान्तरण गरेका हुन् । सो कार्यक्रममा प्रहरी नायब उपरीक्षक बामदेव गौतम, संघका कार्यसमिति सदस्य अमृत दहाल लगायतको उपस्थिति रहेको थियो । सो नवनिर्मित भवनको भोलि श्रावण ११ गते प्रहरी नायब महानिरीक्षक गणेश के.सी.ले उद्घाटन गर्ने कार्यक्रम रहेको जिल्ला प्रहरी कार्यालय मकवानपुरले जनाएको छ ।

... Read More

थाहानगर उद्योग वाणिज्य संघ, पालुङ्गले आज आफ्नै सचिवालयमा एक विशेष कार्यक्रम गरी नेपाल उद्योग वाणिज्य महासंघका केन्द्रीय सदस्य द्वय राजकुमार न्यौपाने तथा अरुणराज सुमार्गीको सम्मान गरेको छ । थाहानगर उवासंघका अध्यक्ष कविराज खत्रीको सभाध्यक्षतामा भएको सम्मान कार्यक्रमलाई सम्बोधन गर्दै केन्द्रीय सदस्य न्यौपानेले व्यवसायी रहे वाणिज्य संघ रहने भएकोले व्यवसायीकै हकहितमा संघ लाग्नु पर्ने र मकवानपुरको उत्तरी क्षेत्रमा पर्यटनको प्रचुर सम्भावना रहेकोले यसको विकासकालागि महासंघ मार्फत आफूले भूमिका निर्वाह गर्ने बताएका छन् । कार्यक्रममा अर्का केन्द्रीय सदस्य सुमार्गीले भर्खरै निर्वाचित भएको स्थानीय निकायसँग समन्वय गरी पाराग्लाईडिङ्ग लगायत स्वास्थ्य क्षेत्रका लागि उद्योग वाणिव्य संघले तत्परता देखाउनु पर्ने बताएका छन् । सो सम्मान कार्यक्रममा ... Read More


मकवानपुर उद्योग वाणिज्य संघ, महिला उद्यमी विकास समितिको आजबाट शुरु भएको २ महिने व्यटीपार्लर र १ महिने उलन सामग्री बनाउने तालिम हेटौंडा उपमहानगरपालिकाकी उपप्रमुख मीना लामाले उद्घाटन गर्नु भएको छ । समितिकी सभापति निलम पाण्डेको सभापतित्वमा भएको कार्यक्रमलाई सम्बोधन गर्दै उपमेयर लामाले उपमहानगरपालिकाले महिलाद्वारा सञ्चालित व्यवसायहरुको लगत संकलन कार्य अघि बढिसकेको र सबै लगत संकलन पछि महिला उद्यमीका लागि प्याकेजमै कार्यक्रम ल्याउन लागिएको जानकारी गराएकी छिन् । कार्यक्रम मन्तव्य राख्दै संघका बरिष्ठ उपाध्यक्ष कृष्ण कटुवालले तालिम पछि यसैलाई व्यवसायको रुपमा अघि बढाउन प्रशिक्षार्थीहरुलाई आग्रह गरेका छन् । संघका महासचिव महेन्द्र राउतले यस्ता तालिमलाई मकवानपुर जिल्लाका अन्य स्थानमा समेत आवश्यक रहेको धारणा ... Read More